1. Proiektuen aurkezpena 2022/01/27 - 2022/03/11 Zure proiektua gauzatu nahi duzu? Saia zaitez 20.000 euro arte irabazten, Ideaiak 2022 partaidetza-aurrekontua eta herritarren botoen laguntzarekin! Zure proiektua aurkeztu aurretik, kontsultatu erregelamendua, eta egiaztatu irizpide hauek betetzen dituzula: Zer proiektu mota? Zure proiektuak «Gipuzkoako eta Pirinio Atlantikoetako biztanleen artean loturak sortzea» sustatuko du eta interes orokorrekoa izango da (ez komertziala). Nork aurkez dezake proiektu bat? Gipuzkoan bizi bazara: 16 urtetik gorako edozein herritarrek, bakarka nahiz taldean. Irabazi asmorik gabeko herritarren erakundeak, edozein dela ere haien forma juridikoa eta izaera, baldin eta interes kolektiboak defendatzea badute helburu. Ikusi deialdiaren Oinarriak: GAO 2022/01/27 Pirinio Atlantikoetan bizi bazara: 11 urtetik gorako edozein herritarrek edo herritar taldek (baldin eta erreferentetzat 16 urtetik gorako pertsona bat badute). Edozein pertsona fisiko edo juridikok. - Pertsona fisikoak entitate juridiko bat (elkartea, fundazioa) sortu edo haren laguntza izan beharko du, bere proiektua bozkatua izan dadin eta, irabazle suertatzen bada, laguntzak jaso ditzan, baina hori ez da baldintza izango proiektua aurkezteko unean. - Entitate juridikoa elkarte edo fundazio bat izan daiteke. Enpresak ez dira hautagarriak. Informazioa Proiektua aurkezteko formularioa Data: 2022/03/11 Informazioa
2. Proiektuen balorazioa 2022/03/14 - 2022/05/06 Bi erakundeetako aditu teknikoek osatutako ebaluazio batzorde batek bideragarritasun teknikoa puntuatuko du, irizpide hauen arabera: proiektuaren kalitatea eta mugaz gaindiko izaera. Aztertutako proiektuak Gipuzkoako Foru Aldundiko eta Pirinio Atlantikoetako Departamentu Kontseiluko ordezkariek osatutako zuzendaritza batzordeari bidaliko zaizkio. Batzorde horrek aurkeztuko du herritarrek bozkatuko dituzten proiektuen behin betiko zerrenda. Ondoen baloratutako proiektuak herritarren artean bozkatuko dira. Informazioa
3. Proiektuen bozketa 2022/05/21 - 2022/06/17 Kontsultatu proiektuen zerrenda eta eman botoa gogokoen dituzun 3 proiektuen alde Fase honen helburua da herritarrek diruz lagunduko diren proiektuak aukeratzea. Informazioa Herritarren proiektuen bozkaketa Data: 2022/06/17 Informazioa
4. Herritarren bozketaren emaitzak argitaratzea 2022/06/18 - 2022/06/30 Ezagutu itzazu Gipuzkoako Foru Aldundiak eta Pirinio Atlantikoetako Departamentu Kontseiluak finantzatuko dituzten proiektuak Informazioa
5. Proiektuak gauzatzen dira 2022/07/01 - 2023/12/30 Proiektua gehienez ere 18 hilabeteko epean egingo da, irabazleak argitaratzen direnetik hasita. Gipuzkoako Foru Aldundiak finantzatutako proiektuak 2023ko urriaren 15a baino lehen justifikatu beharko dira. Informazioa