Parte-hartze prozesuaren oinarrizko datuak
Nori zuzendua
Herritarrei
Antolatzailea
Gipuzkoako Foru Aldundia - Pirinio Atlantikoetako Departamenduko Kontseilua
Testuingurua
Gipuzkoako Foru Aldundiak eta Pirinio Atlantikoetako Departamentu Kontseiluak bi lurraldeen artean loturak sortzen dituzten proiektuak garatzen lagundu eta animatu nahi dituzte bertako biztanleak asmo handiko plan berritzaile bati esker: "Ideiak2023" partaidetzako aurrekontua.
Utzi irudimena aske, eta lortu 20.000 euro zure proiektua gauzatzeko, Ideiak 2022! aurrekontu parte-hartzaileari esker.
Zer eta nola egingo dugu
Zure proiektuak "Gipuzkoako eta Pirinio Atlantikoetako biztanleen artean loturak sortzea" sustatuko du, eta interes orokorrekoa izango da (ez merkataritzakoa).
Mugaz gaindiko partaidetza-aurrekontuak proiektuaren kostuaren % 100 finantzatuko du, 20.000 euroko mugara arte.
Parte hartzeko prozesuaren faseak:
1. Proiektuak aurkeztea
2. Proiektuen balorazioa
3. Proiektuen bozketa
4. Irabazleen argitalpena
5. Proiektuak gauzatzea
Prozesuaren baldintzak
1. PROIEKTUEN AURKEZPENA -
2022ko urtarrilaren 27tik martxoaren 11ra
Nork aurkez dezake proiektu bat?
Gipuzkoan bizi bazara:
- 16 urtetik gorako edozein herritarrek, bakarka nahiz taldean.
- Irabazi asmorik gabeko herritarren erakundeak, edozein dela ere haien forma juridikoa eta izaera, baldin eta interes kolektiboak defendatzea badute helburu. Ikusi deialdiaren oinarriak: GAO 2023/06/09.
Pirinio Atlantikoetan bizi bazara:
- 11 urtetik gorako edozein herritar edo herritar talde (baldin eta erreferentetzat 16 urtetik gorako pertsona bat badute).
- Edozein pertsona fisiko edo juridiko.
- Pertsona fisikoak entitate juridiko bat (elkartea, fundazioa) sortu edo haren laguntza izan beharko du, bere proiektua bozkatua izan dadin eta, irabazle suertatzen bada, laguntzak jaso ditzan, baina hori ez da baldintza izango proiektua aurkezteko unean.
- Entitate juridikoa elkarte edo fundazio bat izan daiteke. Enpresak ez dira hautagarriak.
Eskatzaile bakoitzak gehienez proiektu bat aurkez dezake eta beste batetan laguntzaile izan daiteke.
Aurreko edizioetan diruz laguntza jaso duten proiektuak ezin dira berriro aurkeztu. Proiektuak derrigorrez bi lurraldeetako eragile desberdinen arteko lankidetzan aurkeztuak izan behar dira.
Zer proiektu mota?
Zure proiektuak «Gipuzkoako eta Pirinio Atlantikoetako biztanleen artean loturak sortzea» sustatuko du eta interes orokorrekoa izango da (ez komertziala).
Mugaz gaindiko partaidetzazko aurrekontuak proiektuaren kostuaren % 100 finantzatuko du, gehienez ere 20.000 euro.
Non aurkeztu proiektu bat?
Proiektu bat aurkezteko, bete ezazu www.gipuzkoa64.eu webgunean eskuragarri dagoen formularioa.
2. PROIEKTUEN BALORAZIOA -
2023ko uztailaren 9tik 31ra
Bi erakundeetako aditu teknikoek osatutako ebaluazio batzorde batek bideragarritasun teknikoa puntuatuko du, irizpide hauen arabera: proiektuaren kalitatea eta mugaz gaindiko izaera.
3. PROIEKTUEN BOZKETA -
2023ko irailaren 1etik 24ra
Non ezagutu daitezke proiektuak?
Bozkatu beharreko proiektuen zerrenda www.gipuzkoa64.eu webgunean kontsulta daiteke.
Nork eman dezake botoa?
Gipuzkoan: Gipuzkoan bizi den 16 urtetik gorako pertsona orok.
Pirinio Atlantikoetan: Pirinio Atlantikoetan bizi den 11 urtetik gorako pertsona orok.
Nola bozkatu?
Bozketa www.gipuzkoa64.eu webgunean egingo da. Herritar bakoitzak 3 proiektu bozkatu behar ditu nahitaez.
4. SARIDUNEN IZENAK ARGITARATZEN DIRA -
2023ko irailaren 29an
300.000 euroko aurrekontu orokorra bideratu da proiektuak gauzatzeko. Gipuzkoako Foru Aldundiak eta Pirinio Atlantikoetako Departamentu Kontseiluak 150.000 euro jarriko dituzte bakoitzak. Lurralde bakoitzean boto gehien jasotzen dituzten proiektuak izango dira irabazleak.
5. PROIEKTUAK GARATZEA
Proiektu irabazle bakoitzak hitzarmen bat sinatzen du Pirinio Atlantikoetako Departamentuko Kontseiluarekin edo Gipuzkoako Foru Aldundiarekin. Proiektuak 2024ko urriaren 31rako amaituta egon behar dira.