Sarrera
Gipuzkoako Foru Aldundia eta Pirinio Atlantikoetako Departamentuko Kontseilua lankidetza tradizio luze batek lotzen ditu. 15 urte baino gehiagoz, bakoitzari dagozkion konpromisoei esker, proiektu zehatzak gauzatu dira mugaren alde bietako biztanleen eguneroko bizitza hobetzeko. Horren erakusle dira Ederbidea proiektua (Baiona-Donostia eta Iruñea lotzen dituen 240 km-ko bizikleta ibilbidea egituratzen duena) edo Alert proiektua (arrisku naturalen, suteen eta giza jarduerekin lotutako arriskuen aurka elkarrekin borrokatzeko), besteak beste.
2022an abiatua, Ideiak mugaz gaindiko partaidetzazko aurrekontuak lankidetza hau sustatu du 17 proiektu finantzatuz helburu amankomun batekin: Pirineo-Atlantikoetako eta Gipuzkoako herritarrak hurbiltzea.
Arrakastak hala erakutsirik, Pirineo-Atlantikoetako Departamentu Kontseiluak eta Gipuzkoako Foru Aldundiak partaidetzazko aurrekontu edizio berri bat abiatu zuten: Ideiak 2023. Parada izanen da bi lurralde hauetako herritarrentzat batuko zituzten proiektu berriak proposatzeko eta aukeratzeko.
Aurten, berriz ere, Ideiak 2024 programako deialdia jarriko dugu abian, mugaz gaindiko aurrekontu partehartzaileak, Etorkizuna Eraikiz ekimenaren esparruan.
